ఏపీలోని చిత్తూరు జిల్లా శేషాచలం ఘాట్‌రోడ్డులో శ‌నివారం అర్ధ‌రాత్రి ఘోర ప్రమాదం జరిగింది. నిశ్చితార్థ వేడుక కోసం వెళ్తున్న బస్సు బస్సు లోయలో పడిపోయింది. పీలేరు – తిరుపతి మధ్య ఉన్న భాకరాపేట ఘాట్‌ రోడ్డులో… సుమారు 100 అడుగుల లోయలో బస్సు పడిపోయింది. ఈ ఘటనలో డ్రైవర్‌తోపాటు 8 మంది అక్కడికక్కడే మరణించినట్లు సమాచారం. మృతుల సంఖ్యపై ఎలాంటి అధికారిక ప్రకటన వెలువడలేదు. ప్రమాద సమయంలో బస్సులో 50 నుంచి 60 మంది ఉన్నట్లు తెలుస్తోంది. వీరిలో దాదాపు 40 మందికి గాయాలైనట్లు సమాచారం.
ఈ ఘ‌ట‌న‌పై ఏపీ బీజేపీ అధ్య‌క్షుడు సోము వీర్రాజు స్పందించారు. 100 అడుగుల లోయలో బస్సు పడి 8 మంది మృత్యువాత పడడం తీవ్ర దిగ్ప్రాంతికి గురిచేసిందని సోము వీర్రాజు అన్నారు. మృతుల కుటుంబాలకు ప్రభుత్వం వెంటనే ఎక్స్ గ్రేషియా విడుదల చేసి.. మృతుల కుటుంబాలను ఆదుకోవాలని కోరారు. గాయపడిన వారందరికీ మెరుగైన వైద్య సేవలు అందించాలని సూచించారు.