తిరుమల, ప్రభన్యూస్‌ : తిరుమల శ్రీవారి ఆలయంలో ఈ నెల 13 నుంచి 17వ తేదీ వరకు ఐదు రోజుల పాటు శ్రీవారి సాలకట్ల తెప్పోత్సవాలు నిర్వహించనున్నారు. తెప్ప అనగా ఓడ. ఓడలో శ్రీవారిని కోనేటి విహారం చేయించడాన్నే తెప్పోత్సవం అంటారు. తెప్పోత్సవాలను తమిళంలో తిరుపల్లి ఓడై తిరునాళ్‌, తెలుగులో తెప్ప తిరునాళ్లు అంటారు. తిరుమలలో తెప్పోత్సవాలు ప్రాచీనకాలం నుంచి జరుగుతున్నాయని తెలుస్తోంది.
ఆర్జిత సేవలు రద్దు..
తెప్పోత్సవాల కారణంగా వర్చువల్‌ అర్జిత సేవలైన సహస్రదీపాలంకార సేవను మార్చి 13, 14 తేదీల్లో మార్చి 15, 16, 17 తేదీల్లో ఆర్జిత బ్రహ్మోత్సవం, సహస్ర దీపాలంకార సేవలను టీటీడీ రద్దు చేసింది.