పిడుగుపాటుతో వ్యక్తి దుర్మరణం

ఇచ్ఛాపురం : మున్సిపాలిటీలోని పురుషోత్తపురం గ్రామంలో పిడుగుపాటుతో ఓ వ్యక్తి దుర్మరణం పాలయ్యాడు. ఆ గ్రామానికి చెందిన సున్నాముద్ది సుందరరావు (62) మూత్ర విసర్జన కోసం పెరటికి వెళ్లగా ఆ సమయంలో పిడుగు పడడంతో అక్కడికక్కడే కుప్పకూలిపోయారు. హుటాహుటిన ఇచ్ఛాపురం ప్రభుత్వ సామాజిక ఆసుపత్రిలో చేర్పించారు. అయితే పరీక్షించిన వైద్యులు అప్పటికే మృతిచెందినట్లు నిర్ధారించారు. మృతునికి భార్య నందిత, వివాహితులైన కుమారుడు, ఇద్దరు కుమార్తెలున్నారు. మృతుడు అదే గ్రామంలో కూరగాయల దుకాణం నిర్వహిస్తున్నారు.