సచివాలయంపై ఏసీబీ దాడులు…

కొత్తూరు : శ్రీకాకుళం జిల్లా కొత్తూరు మండలం పొన్నుటూరు సచివాలయంపై ఏసీబీ అధికారులు బుధవారం మధ్యాహ్నం దాడి చేశారు. ఈ దాడిలో పొన్నుటూరు వీఆర్వో టీ.సోమేశ్వర రావు ఒక రైతు నుండి రూ.15000/- లంచం తీసుకుంటుండగా ఏసీబీ అధికారులు పట్టుకున్నట్లు ఏసీబీ సీఐ భాస్కర రావు తెలిపారు. రైతు భూమికి సంబందించి పట్టాదార్ ఈ పాస్ పుస్తకం కోసం ముటేషన్ చేయుటకు రైతు నుండి వీఆర్వో సోమేశ్వర రావు డిమాండ్ చేశారు. రైతు ఏసీబీని ఆశ్రయించడంతో వీఆర్వో లంచం తీసుకుంటుండగా పట్టుకున్నట్లు సీఐ భాస్కర రావు వివరించారు. పూర్తి వివరాలు తెలియాల్సి ఉంది.