(ప్రభ న్యూస్ బ్యూరో) శ్రీకాకుళం, : జిల్లాలో ఆర్థికంగా వెనుకబడిన తరగతుల కులాలకు చెందిన 2,529 మందికి మహిళలకు ముఖ్యమంత్రి వైఎస్ జగన్మోహన రెడ్డి గురువారం రూ.378.35 లక్షలను విడుదల చేశారు. నంద్యాల జిల్లా బనగానపల్లె లో జరిగిన ఈ కార్యక్రమంలో, ముఖ్యమంత్రి జగన్ మోహన రెడ్డి బటన్ నొక్కి లబ్ధిదారుల బ్యాంకు ఖాతాల్లో నేరుగా జమ చేశారు. జిల్లాలో ఈ కార్యక్రమాన్ని కలెక్టర్ కార్యాలయంలో ప్రత్యక్ష ప్రసారం చేసిన అనంతరం కలెక్టర్ మనజీర్ జిలాని సామాన్ లబ్ధిదారులకు ఈ మొత్తానికి సంబంధించిన చెక్కును అందజేశారు.
కలెక్టరేట్లో జరిగిన ఈ కార్యక్రమంలో జిల్లా వెనుకబడిన తరగతుల సేవా సహకార సంఘం ఈడి గెడ్డమ్మ, కళింగ వైశ్య కార్పొరేషన్ చైర్మన్ అందవరపు సూరిబాబు, పొందర కూరాకుల కార్పొరేషన్ చైర్ పర్సన్ రాజాపు హైమావతి, టి.కామేశ్వరి, పలువురు అధికారులు, సిబ్బంది, లబ్ధిదారులు పాల్గొన్నారు.