ఆంధ్ర‌ప్ర‌భ స్మార్ట్‌, హైదరాబాద్ : వరుస సెలవుల నేపథ్యంలో సికింద్రాబాద్, కాచిగూడ స్టేష‌న్ల నుంచి వివిధ ప్రాంతాలకు ప్రత్యేక రైళ్లను న‌డుపుతున్న‌ట్లు ద‌క్షిణ మ‌ధ్య రైల్వే ప్ర‌క‌టించింది. ఈనెల 16న రాత్రి నుంచి 20వ తేదీ వరకు ఈ రైళ్లను నడుపనున్నారు.
ఇవే ప్రత్యేక రైళ్లు…
- కాచిగూడ-తిరుపతి ప్రత్యేక రైలు ఈరోజు రాత్రి 10.30 గంటలకు కాచిగూడ నుంచి బయల్దేరనుంది. ఇదే ట్రైన్ రేపు రాత్రి 7.50 గంటలకు తిరుపతిలో బ‌య‌లుదేరుతుంది.
- నర్సాపూర్‌-సికింద్రాబాద్ స్పెషల్ ట్రైన్- ఆగస్టు 18న సాయంత్రం 6 గంటలకు నర్సాపూర్‌ నుంచి బయల్దేరుతుంది. మళ్లీ ఈనెల 19న సాయంత్రం 6.20 గంటలకు సికింద్రాబాద్ నుంచి బయల్దేరుతుంది.
- కాకినాడ టౌన్‌-సికింద్రాబాద్ ట్రైన్ ఈ నెల 17న రాత్రి 9 గంటలకు కాకినాడలో బయల్దేరి 18న సికింద్రాబాద్‌కు చేరుకుంటుంది. మళ్లీ ఈనెల 18న సాయంత్రం 6.20 గంటలకు సికింద్రాబాద్ నుంచి కాకినాడకు వెళ్తుంది.
- కాకినాడ టౌన్‌-సికింద్రాబాద్ స్పెషల్ ట్రైన్ ఆగస్టు 18న సాయంత్రం 6.30 గంటలకు కాకినాడ నుంచి బయల్దేరుతుంది. మళ్లీ ఈ నెల 19న రాత్రి 9 గంటలకు సికింద్రాబాద్ నుంచి కాకినాడకు వ‌స్తుంది.