చీరాల, (ప్రభ న్యూస్) : ఆచార్య నాగార్జున విశ్వవిద్యాలయం అంతర కళాశాలలో కబడ్డీ పోటీల్లో చీరాల వీఆర్ఎస్ అండ్ వైఆర్ఎన్ కళాశాల జట్టు ద్వితీయ స్థానం సాధించింది. ఈనెల 14 ,15 తేదీల్లో యూనివర్సిటీ క్యాంపస్ లో జరిగిన ఈ పోటీల్లో చీరాల జట్టు సింగరాయకొండ జట్టుతో ఫైనల్స్ లో తలపడింది. కొద్ది తేడాతో ఓటమి చవి చూసినప్పటికీ క్రీడాకారులు తమ నైపుణ్యంతో ఆకట్టుకున్నారు. ఈ సందర్భంగా శుక్రవారం జరిగిన అభినందన కార్యక్రమంలో యలమంచిలి వ్యవస్థాపకులు యలమంచిలి రామకృష్ణ, కార్యదర్శి వేణుగోపాల్, ప్రిన్సిపల్ బి.శ్రీనివాసరావు, పీడీ పి.రఘుబాబు క్రీడాకారులను ప్రత్యేకంగా అభినందించారు. విశ్వవిద్యాలయం జట్టుకు ఎంపికైన క్రీడాకారులు అఖిల భారత విశ్వవిద్యాలయాల పోటీల్లో సత్తాచాటి కళాశాల పేరును నిలబెట్టాలని పిలుపు నిచ్చారు. ఈ కార్యక్రమంలో క్రీడాకారులు పాల్గొన్నారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్ పేజీల‌ను ఫాలో అవ్వండి..
#AndhraPrabha #AndhraPrabhaDigital