- మహిళలకు ముగ్గుల పోటీలు, పిల్లలకు ఆటల పోటీలు..
- బహుమతులు ప్రదానం చేసిన సీఎం దంపతులు..
- పోటీల్లో పాల్గొన్న ప్రతీ మహిళలకు రూ.10,116 నగదు..
నారావారి ప‌ల్లె – ముఖ్యమంత్రి చంద్రబాబు స్వ‌గ్రామంలో సంక్రాంతి వేడుకలు అంబ‌రంగా ప్రారంభ‌మ‌య్యాయి. ఈ వేడుక‌ల‌లో చంద్రబాబు, ఆయ‌న స‌తీమ‌ణి భువ‌నేశ్వ‌రీలు పాల్గొన్నారు.. వారితో పాటు నందమూరి కుటుంబాలు కూడా పాల్గొన్నాయి ముందుగా గ్రామంలో బోగి మంట‌లు వేశారు.
ఈ సందర్భంగా మహిళలకు ముగ్గుల పోటీలు నిర్వహించారు.., విద్యార్థులకు బెలూన్ బ్లాస్టింగ్, మ్యూజికల్ చైర్స్ బెలూన్ బ్లాస్టింగ్,గన్ని బ్యాగ్ రేస్ లెమన్ అండ్ స్పూన్ మ్యూజికల్ చైర్, పొటాటో గ్యాదరింగ్ తదితర ఆటల పోటీలు నిర్వహించారు. ఈ పోటీల‌లో ముఖ్యమంత్రి మనవడు నారా దేవాన్ష్ సంద‌డి చేశాడు.. గెలుపొందిన వారికి బహుమతులు ప్రదానం చేశారు సీఎం దంపతులు..
ప్ర‌తి ఒక్క మ‌హిళ‌కు రూ.10 వేలు .. భువనేశ్వరి
ఈ సందర్భంగా బ్రాహ్మణి మాట్లాడుతూ.. ఈ పోటీల్లో పాల్గొన్న అందరూ గెలుపొందినట్టే.. విన్నర్లను డిసైడ్‌ చేయడం మాకు చాలా కష్టం అయ్యిందన్నారు.. అందరికీ బహుమతులు అందిస్తాం.. ఈ పండుగ మీతో కలిసి జరుపుకోవడం సంతోషంగా ఉంద‌న్నారు. ఈ పండుగ మీ జీవితాల్లో వెలుగులు నింపాలని ఆకాక్షించారు..
మరోవైపు.. భువనేశ్వరి మాట్లాడుతూ.. అందరికీ భోగి, సంక్రాంతి శుభాకాంక్షలు తెలిపారు.. ముగ్గుల పోటీల్లో పాల్గొనడం త‌న‌కు సంతోషంగా ఉంద‌న్నారు… ఫస్ట్‌, సెకండ్‌, థర్డ్‌ అని కాదు.. ఈ పోటీల్లో 120 మంది పాల్గొన్నారు.. చాలా ఉత్సాహంగా పాల్గొన్నారు.. ఎంతో కష్టపడి ముగ్గులు పెట్టారు.. దీంతో ఈ పోటీల్లో పాల్గొన్నవారందరికీ ప్రతీ మహిళలకు సాయం చేయాలని ఇప్పుడు నిర్ణయించుకున్నాన‌ని చెప్పారు. ఈ పోటీల‌లో పాల్గొన్న ప్ర‌తి మ‌హిళ ఇళ్లకు రూ.10,116 పంపిస్తానని ప్రకటించారు.. డబ్బులతో వెల కట్టాలని కాదు.. వాళ్లను చూసి నాకు చాలా సంతోషం కలిగి.. ఈ నిర్ణయం తీసుకున్నట్టు వెల్లడించారు.. అందరూ సంతోషంగా బతకాలని ఆ దేవుడిని కోరుకుంటున్నట్టు వెల్లడించారు నారా భువనేశ్వరి..
అభివృద్ధి కార్య‌క్ర‌మాల‌కు ప్రారంభోత్సవాలు..
మరోవైపు నారావారిపల్లెలో పలు అభివృద్ధి కార్యక్రమాలు, ప్రారంభోత్సవాలు, శంకుస్థాపనల్లో పాల్గొంటున్నారు సీఎం చంద్రబాబు .. 15 ఈ ఆటోలు, నూతనంగా నిర్మించిన సిమెంట్ రోడ్డు ప్రారంభించారు.. గ్రామంలో సబ్ స్టేషన్, ఏ.రంగంపేటలోని హైస్కూల్’లో కోటి రూపాయలతో డిజిటల్ క్లాస్ నిర్మాణానికి పునాదులు వేశారు.. సీఎం ఇంటి ఎదుట స్వర్గీయ నందమూరి రామారావు, బసవ తారకం విగ్రహాలను ఆవిష్కరించారు.
ఈ కార్యక్రమంలో మంత్రి నారా లోకేష్, బ్రాహ్మణి, నందమూరి రామకృష్ణ, నందమూరి వసుంధర, దేవాన్ష్, చిత్తూరు పార్లమెంటు సభ్యులు దగ్గుమళ్ళ ప్రసాద రావు, చంద్రగిరి, పలమనేరు, నగరి శాసనసభ్యులు పులివర్తి నాని, అమర్నాథరెడ్డి, గాలి భాను ప్రకాష్, తదితరులు పాల్గొన్నారు.