తిరుమల: మునుపెన్నడూ లేనివిధంగా తిరుమల వేంకటేశ్వర స్వామి వారి దర్శనానికి భక్తులు పోటెత్తుతున్నారు. ఈ క్రమంలో స్వామి వారి హుండీ ఆదాయం కూడా భారీగా పెరుగుతోంది. కానుకల రూపంలో తిరుమల శ్రీవారికి రికార్డు స్థాయిలో ఆదాయం వచ్చిందని ఆలయ ఈవో ధర్మారెడ్డి తెలిపారు. ఒక్క రోజు ఇంత పెద్దమొత్తంలో హుండీ ఆదాయం రావడం ఇదే ఫస్ట్ టైమ్ అని వెల్లడించారు. ఎన్నడూ లేనివిధంగా చరిత్రలో తొలిసారి ఒక్క రోజులోనే స్వామి వారి హుండీ ఆదాయం 6.18కోట్ల రూపాయలుగా ఉందని, ఇప్పటి వరకు 2012 ఏప్రిల్ 1వ తేదీన ఇదే స్థాయిలో 5.73 కోట్ల ఆదాయం వచ్చిందని వివరాలు వెల్లడించారు.
