పాముకాటుకు మహిళ మృతి..

యర్రగొండపాలెం: పాముకాటుకు మహిళ మృతిచెందిన సంఘటన చోటు చేసుకుంది. మండలంలోని వీరభద్రాపురం గ్రామానికి చెందిన మృతురాలు మేకలజ్యోతి(30) గ్రామానికి చెందిన బంధువులతో కలిసి పుల్లలచెరువు మండలం నరజాములతాండలో మిరపకోతలకు వెళ్లింది. సాయంత్రం సమయంలో తిరిగి వస్తున్న సమయంలో మిరపకోతలను చేస్తుండగా పొలంలో పాముకాటు వేసింది . విషయం తెలుసుకున్న ఆమె తెలియజేయడంతో 108 సహాయంతో స్థానిక ప్రైవేట్‌ వైద్యశాలకు తరలించారు. కానీ అప్పటికే పాముకాటుకు గురై ఆమె మృతిచెందిందని వైద్యులు నిర్థారించారు. మృతురాలికి భర్త వెంకటేశ్వర్లు, ఇరువురు చిన్నారులు ఉన్నారు.