ఆంధ్రప్రభ స్మార్ట్, నెల్లూరు ప్రతినిధి: నెల్లూరు జిల్లాలో పెద్దపులి కలవరం సృష్టించింది. జనారణ్యంలోకి వచ్చిన ఈ పెద్దపులి యథాప్రకారం ఆహారాన్వేషణలో కలకలం రేపింది. జనం భయభ్రాంతులయ్యారు. వివరాలు ఇలా ఉన్నాయి. మర్రిపాడు మండలం, కదిరినాయుడుపల్లి అటవీ ప్రాంతంలో పెద్దపులి సంచరిస్తోంది . కదిరినాయుడిపల్లి వద్ద నెల్లూరు నుంచి ముంబాయి వెళ్ళే జాతీయ రహదారిపై వాహనాలపై పెద్దపులి దాడి చేసింది. ఒక్క సారిగా పెద్దపులి వాహనాలపై దాడి చేయడంతో ప్రయాణీకులు భయభ్రాంతులకు గురయ్యారు. పెద్దపులి సంచారంతో అటవీ ప్రాంత గ్రామాల్లో ఒక్కసారిగా అలజడి నెలకొంది. ఈ సమాచారం అందుకున్న అటవీ శాఖ అధికారులు ఘటన ప్రాంతానికి చేరుకుని సమీక్షిస్తున్నారని సమాచారం.
- Advertisement -