ఏపీలో ఎన్ఐఏ సోదాల క‌ల‌క‌లం.. మావోయిస్టుల‌కు హెల్ప్​ చేస్తున్నారన్న అనుమానం

ఆంధ్ర‌ప్ర‌దేశ్‌లోని ప‌లు ప్రాంతాల్లో ఇవ్వాల (శుక్ర‌వారం) నేష‌న‌ల్ ఇన్వెస్టిగేష‌న్ ఏజెన్సీ (ఎన్ఐఏ) అధికారులు సోదాలు నిర్వ‌హించారు. ప్ర‌జా సంఘాల‌కు చెందిన నేత‌ల‌తో పాటు గ‌తంలో మావోయిస్టుల‌కు సానుభూతిప‌రులుగా ప‌నిచేసిన వారి ఇళ్లే టార్గెట్‌గా ఈ సోదాలు జ‌రిగాయి. ఇందులో భాగంగా గుంటూరు, చిత్తూరు జిల్లాల్లోని ప‌లు ప్రాంతాల్లో ఎన్ఐఏ అధికారులు సోదాలు నిర్వ‌హించారు. చాప‌కింద నీరులా మరోమారు మావోయిస్టులు బ‌లం పుంజుకుంటున్నార‌ని, ఈ క్ర‌మంలోనే త‌మ సంస్థ‌లోకి భారీగా రిక్రూట్‌మెంట్లు జ‌రుపుతున్నార‌న్న స‌మాచారంతో ఎన్ఐఏ రంగంలోకి దిగిన‌ట్లుగా స‌మాచారం. ఆంధ్ర‌ప్ర‌దేశ్‌తో పాటు కేర‌ళ రాష్ట్రంలో కూడా ఇదే కార‌ణంతో ఎన్ఐఏ సోదాలు నిర్వ‌హించింది.