మంగళగిరి – ఆంధ్ర ప్రభ : ఏసుక్రీస్తు ప్రబోధించిన ప్రేమ, దయ, కరుణ అందరూ అలవర్చుకోవాలని విద్య, ఐటీ శాఖల మంత్రి నారా లోకేష్ పేర్కొన్నారు. మంగళగిరి సమీపం ఆత్మకూరులోని నిర్మల ఫార్మశీ కళాశాలలో నిర్వహించిన సెమీ క్రిస్మస్ వేడుకల్లో ఆయన ముఖ్య అతిథిగా పాల్గొన్నారు. మంత్రి రాకను పురస్కరించుకుని ప్రత్యేక ప్రార్థనలు నిర్వహించారు. అనంతరం కేక్ కట్ చేసి అందరికీ క్రిస్మస్ శుభాకాంక్షలు తెలిపారు.
ఈ సందర్భంగా లోకేష్ . అందరికీ క్రిస్మస్ శుభాకాంక్షలు తెలిపారు… అందరూ పండుగను సంతోషంగా జరుపుకోవాలని ఆకాంక్షించారు..త‌న‌కు సెమీ క్రిస్మస్ వేడుకల్లో పాల్గొనడం నాకు చాలా ఆనందంగా ఉంద‌న్నారు. క్రిస్మస్ అంటే ప్రేమ, దయ, కరుణ అని అన్నారు. . మనమేంటో ఇతరులకు తెలియజెప్పడం. ప్రతిఒక్కరి పట్ల ప్రేమ, శాంతిని కలిగి ఉండాలని జీసస్ బోధించార‌ని వివ‌రించారు. . 2019 నుంచి మంగళగిరిలో ప్రయాణాన్ని ప్రారంభించాన‌ని అంటూ అప్పటి ఎన్నికల్లో ఓటమి చెందాన‌ని చెప్పారు.
ఓటమి నుంచే పాఠాలు నేర్చుకున్నాన‌ని ,. ఎన్ని ఓటములు ఎదురైనా మనోధైర్యాన్ని కోల్పోకూడద‌ని లోకేష్ అన్నారు. . వైఫల్యం విజయానికి సోపానమ‌ని . అందుకు తానే ఉదాహరణ అని తెలిపారు. . దేవుడు మనకు అనేక పరీక్షలు పెడతాడని, . వాటన్నింటిని కృషి, పట్టుదల, కఠోర శ్రమతో వాటిని అధిగమించాల‌న్నారు..
నిర్మల ఫార్మశీ కళాశాలలో నిర్వహించిన సెమీ క్రిస్మస్ వేడుకులు ఆద్యంతం ఆహ్లాదభరిత వాతావరణంలో కొనసాగాయి. ముందుకు కళాశాల ప్రాంగణానికి చేరుకున్న మంత్రి నారా లోకేష్ కు నిర్వాహకులు, విద్యార్థులు, అధ్యాపకులు, ఇతర సిబ్బంది ఘనస్వాగతం పలికారు. ప్రార్థనా గీతంలో కార్యక్రమాన్ని ప్రారంభించారు. విద్యార్థుల సాంస్కృతిక కార్యక్రమాలు, నృత్య ప్రదర్శనలు ఆకట్టుకున్నాయి. అకడమిక్స్ లో ఉత్తమ ప్రతిభ కనబరచిన విద్యార్థులకు మంత్రి నారా లోకేష్ బహుమతులు అందజేశారు.
అనంతరం మంత్రి లోకేష్ ను శాలువా, మెమెంటోతో కళాశాల నిర్వాహకులు ఘనంగా సత్కరించారు. ఈ కార్యక్రమంలో ఫాదర్, ఆంధ్ర లయోల కాలేజీ యెస్ జె ఫౌండర్, డైరెక్టర్ బాల బొల్లినేని, రివరెండ్ సిస్టర్, కళాశాల డైరెక్టర్ డాక్టర్ యు.షౌరీలు, రివరెండ్ సిస్టర్, కళాశాల కరస్పాండెంట్ జి. నిర్మల జ్యోతి, ప్రిన్సిపల్ డాక్టర్ బి.పాముల రెడ్డి తదితరులు పాల్గొన్నారు.