నగరి – గ్రామాల్లో పాత వస్తువులు, సామాగ్రిని భోగి మంటల్లో వేసి తగులబెట్టడం ఆనవాయితీగా వస్తోందని, వచ్చే సార్వత్రిక ఎన్నికల్లో తెలుగుదేశం- జనసేన పార్టీ కూటమిని రాష్ట్ర ప్రజలు అదే రీతిలో మంటల్లో పడేస్తారని అన్నారు. చెత్త పార్టీలు, వారి ఆలోచనలను, అమలు చేయని మేనిఫెస్టోను జనం భోగీ మంటల్లో వేసి కాల్చేస్తారని చెప్పారు పర్యాటక శాఖ మంత్రి ఆర్ కే రోజా.
ఈ తెల్లవారు జామున. చిత్తూరు జిల్లా నగరిలోని తన నివాసం వద్ద ఆమె కుటుంబ సభ్యులతో కలిసి భోగీ మంటలను వెలిగించారు. రాష్ట్ర ప్రజలకు భోగీ, సంక్రాంతి పండగ శుభాకాంక్షలను తెలిపారు.
అనంతరం మీడియా తో మాట్లాడుతూ ,ఈ రాష్ట్రానికి పట్టిన టీడీపీ-జనసేన అనే పీడను శాశ్వతంగా తొలగించడానికి జనం సిద్ధంగా ఉన్నారని వ్యాఖ్యానించారు. ముఖ్యమంత్రి వైఎస్ జగన్మోహన్ రెడ్డిని మరోసారి పట్టం కట్టడం కోసం జనం ఎదురు చూస్తోన్నారని ధీమా వ్యక్తం చేశారు. ఆయన పరిపాలనకు ఎలాంటి అడ్డంకులు లేకుండా చేస్తారని పేర్కొన్నారు