AP: స్టీల్ పరిశ్రమను సందర్శించిన మంత్రి టీజీ భరత్..

కర్నూలు బ్యూరో : ఓర్వకల్లు ఇండస్ట్రియల్ హబ్, జయరాజ్ ఇస్పత్ స్టీల్ ఫ్యాక్టరీని శుక్రవారం రాష్ట్ర ప‌రిశ్ర‌మ‌లు, వాణిజ్యం, ఫుడ్ ప్రాసెసింగ్ శాఖ మంత్రి టీజీ భ‌ర‌త్ సందర్శించారు. ఆయన వెంట పాణ్యం ఎమ్మెల్యే గౌరు చరితా రెడ్డి ఉన్నారు. ఈ కార్యక్రమంలో పాల్గొన్న జయరాజ్ ఇస్పత్ స్టీల్ ఫ్యాక్టరీ ఎండి కొయాంక, కర్నూల్ ఆర్డీవో శేషిరెడ్డి, ఏపీఐఐసీ జోనల్ మేనేజర్ సోమశేఖర్ రెడ్డి, ఓర్వకల్లు తహసిల్దార్ వెంకటరమణలతో అనంతరం మంత్రి సమీక్ష నిర్వహించారు. పరిశ్రమకు కావాల్సిన మౌలిక వసతులపై చర్చించారు.