ఎన్టీఆర్ ప్రభ న్యూస్ బ్యూరో : రాష్ట్ర బీసీ సంక్షేమం, ఆర్థికంగా వెనుక‌బ‌డిన వ‌ర్గాల సంక్షేమ శాఖ మంత్రి ఎస్‌.సవిత శుక్ర‌వారం విజ‌య‌వాడ, ఆటో నగర్ ఎలక్ట్రిసిటీ కాలనీలోని ప్ర‌భుత్వ వెనుక‌బ‌డిన త‌ర‌గ‌తుల సంక్షేమ బాలుర క‌ళాశాల వ‌స‌తిగృహాన్ని (విజ‌య‌వాడ-తూర్పు, సెంట్ర‌ల్‌) ఆకస్మికంగా తనిఖీ చేశారు.
విద్యార్థుల‌కు అందిస్తున్న భోజనం రుచి చూశారు. విద్యార్థులతో మాట్లాడి కెరీర్ ప‌రంగా ఉన్న‌తంగా ఎదిగేందుకు బాగా చ‌దువుకోవాల‌ని సూచించారు. ప్ర‌భుత్వం క‌ల్పిస్తున్న సౌక‌ర్యాల‌ను స‌ద్వినియోగం చేసుకోవాల‌న్నారు. విద్యార్థులతో కలిసి ఆమె భోజనం చేశారు.
