అమరావతి, ఆంధ్రప్రభ : వైసీపీ అధినేత, సీఎం వైఎస్‌ జగన్‌ చేపట్టిన మేమంతా సిద్ధం బస్సు యాత్రకు జనం నీరాజనాలు పలుకుతున్నారు. ఐదోరోజు సోమవారం సత్యసాయి జిల్లాలో యాత్ర సాగింది. ఆరో రోజైన మంగళవారం బస్సుయాత్ర షెడ్యూల్‌ వివరాలను వైసీపీ రాష్ట్ర ప్రధాన కార్యదర్శి తలశిల రఘురాం తెలిపారు.
సీఎం జగన్‌ ఉదయం 9 గంటలకు చీకటిమనిపల్లెలో రాత్రి బస చేసిన ప్రాంతం దగ్గర నుంచి బయలుదేరుతారు. ములకలచెరువు, పెదపాలెం మీదగా వేపురికోట, బుర్రకాయలకోట క్రాస్‌, గొల్లపల్లి, అంగళ్ళు చేరుకుంటారు. అంగళ్ళు దాటినతరువాత భోజన విరామం తీసుకుంటారు. అనంతరం సాయంత్రం 3.30 గంటలకి మదనపల్లె చేరుకుని టిప్పు సుల్తాన్‌ గ్రౌండ్‌ దగ్గర బహిరంగ సభలో పాల్గొని ప్రసంగిస్తారు. సభ అనంతరం నిమ్మనపల్లి క్రాస్‌, బోయకొండ క్రాస్‌, చౌడేపల్లి, సోమల మీదుగా అమ్మగారిపల్లె శివారులో రాత్రి బస కు చేరుకుంటారని తెలిపారు.