ఎన్నిక‌ల క‌మిష‌న్ ఆంక్ష‌ల‌పై హైకోర్టులో జోగి లంచ్ మోష‌న్ పిటిష‌న్..

అమరావతి: ఏపీ హైకోర్టులో పెడన వైసీపీ ఎమ్మెల్యే జోగి రమేష్ లంచ్‌మోషన్‌ పిటిషన్ దాఖలు చేశారు. వైసీపీ బలపరిచిన అభ్యర్థికి ఎదురుగా ఎవరు పోటీకి దిగినా.. వారికి ప్రభుత్వ పథకాలు కట్ చేస్తామని రమేష్ హెచ్చరించారు. పెడనలో జరిగిన ఈ సమావేశంలో ఎమ్మెల్యే ఈ వ్యాఖ్యలు చేశారు. దీనిపై మీడియాలో కథనాలు ప్రసారమయ్యాయి. వీడియో ఆధారాలు ఉండడంతో ఎస్ఈసీ ఈ నెల 17 వరకు మీడియాతో మాట్లాడొద్దని జోగి రమేష్‌కు ఆదేశాలు జారీ చేసింది. అయితే ఎస్ఈసీ ఆదేశాలను సవాల్ చేస్తూ జోగి రమేష్ హైకోర్టులో పిటిషన్ వేశారు. పిటిషన్‌ను విచారణకు స్వీకరించిన న్యాయస్థానం రేపు విచారణ చేపట్టనుంది.