పేకాట స్థావరాలపై పోలీసుల దాడులు…

తుగ్గలి : మండలం పరిధిలోని గిరిగట్ల గ్రామ సమీపంలోనే లింగాల వాగులో జరుగుతున్న పేకాటపై తుగ్గలి పోలీసులు దాడులు చేసి పలువురు పేకాటరాలని అదుపులోకి తీసుకున్నారు. సోమవారం తుగ్గలి పోలీస్ స్టేషన్ లో ఎస్సై మల్లికార్జున విలేకరులతో మాట్లాడుతూ.. జిల్లా ఎస్పీ ఆదేశాల మేరకు పేకాట స్థావరాలపై తుగ్గలి పోలీసులు దాడులు చేసి 6 మంది పేకాటరాయుళ్ల‌ని అదుపులోకి తీసుకున్నామన్నారు. మరో కొంతమంది పేకాట స్థావరాలు నుండి పరార్ కావడం జరిగిందన్నారు. పరారైన వారిలో 7 మందిని గుర్తించడం జరిగిందని, మరో కొంతమంది పేకాట రాయుళ్ల కోసం విచారణ చేయడం జరుగుతుందన్నారు. పేకాట వద్ద నగదు 1,18, 325 రూపాయలు, 40 కర్ణాటక టెట్రా మద్యం ప్యాకెట్లు, 6 సెల్ ఫోన్లు, 10 బైకులు స్వాధీనం చేసుకొని వీటిపై కూడా కేసులు నమోదు చేయడం జరిగిందన్నారు.