ఉద్యోగ నోటిఫికేషన్లు ఇవ్వడం లేదని యువకుడు ఆత్మహత్య

ఏపీ ప్రభుత్వం ఉద్యోగ నోటిఫికేషన్లు జారీ చేయడం లేదని ఓ నిరుద్యోగి మనస్తాపం చెందాడు. దీంతో అతడు ఆత్మహత్య చేసుకున్నాడు. ఈ ఘటన కర్నూలు జిల్లాలో చోటు చేసుకుంది. కర్నూలుకు చెందిన వీరాంజనేయులు అనే నిరుద్యోగి గ్రూప్-2 పరీక్షలకు ప్రిపేర్ అయ్యాడు. గత కొంతకాలంగా నోటిఫికేషన్ల కోసం ఎదురుచూస్తున్నాడు. ఇటీవల కాలంలో ప్రభుత్వం నుంచి ఎలాంటి నోటిఫికేషన్లు రాకపోవడంతో మనస్తాపం చెందిన వీరాంజనేయులు ఉరి వేసుకుని ఆత్మహత్యకు పాల్పడ్డాడు. దీంతో అతడి కుటుంబంలో విషాదం నెలకొంది.