నంద్యాల బ్యూరో, అక్టోబర్ 28 : నంద్యాల జిల్లా పరిధిలో గల ప్రముఖ పుణ్యక్షేత్రమైన శ్రీశైలం భ్రమరాంబ మల్లికార్జున స్వామి దేవస్థానంలో శాశ్వత అన్నదాన కార్యక్రమం నిర్వహిస్తుంటారు. దీనికోసం భక్తులు అనేక మంది విరాళాలు ఇస్తూ ఉంటారు. ఇందులో భాగంగా సోమవారం శాశ్వత అన్నప్రసాద పథకానికి విరాళం రూ.1,00,116లను విజయవాడకు చెందిన భీమిరెడ్డి కోటిరెడ్డి ఈ విరాళాన్ని అందజేశారు.
చెక్కు రూపంలో ఈ మొత్తాన్ని పర్యవేక్షకులు టి.హిమబిందుకు అందజేశారు. విరాళం ఇచ్చిన దాతకు తగు రశీదు, ప్రసాదాలు, శేషవస్త్రం అందజేశారు. ప్రతిరోజూ జరిగే నిత్య అన్నదాన కార్యక్రమానికి ఎంతో మంది భక్తులు ప‌లు రూపాల్లో కానుక ఇవ్వడం ఈ దేవాలయంలో ప్రసిద్ధి. దీన్ని ఆదర్శంగా తీసుకొని మరి కొంతమంది భక్తులు విరాళాలు ఇస్తారని భక్తులు పేర్కొంటున్నారు.
- Advertisement -