విజయవాడ ప్రభ న్యూస్ : ఆల్ ఇండియా కాంగ్రెస్ కమిటీ ప్రధాన కార్యదర్శి ప్రియాంక గాంధీకి గన్నవరం విమానాశ్రయంలో ఘన స్వాగతం లభించింది. తెలంగాణా రాష్ట్రంలో శాసనసభ ఎన్నికల ప్రచారం ముగించుకుని ప్రియాంక గాంధీ గన్నవరం ఎయిర్ పోర్ట్ కు శనివారం సాయంత్రం చేరుకున్నారు. ఆంధ్రప్రదేశ్ కాంగ్రెస్ కమిటీ అధ్యక్షుడు గిడుగు రుద్రరాజు శాలువాతో ఘన స్వాగతం పలికారు.
కేంద్రమంత్రి జే.డి. శీలం, కార్యనిర్వహక అధ్యక్షులు సుంకర పద్మశ్రీ, జంగా గౌతమ్, విజయవాడ నగర పార్టీ అధ్యక్షుడు నరహరశెట్టి నరసింహారావు, పీసీసీ ఆర్గనైజింగ్ సెక్రెటరీ ఆర్. శ్రీరామమూర్తి లను గిడుగు రుద్రరాజు ప్రియాంక గాంధీకి పరిచయం చేశారు. అనంతరం గన్నవరం ఎయిర్ పోర్ట్ నుండి ప్రత్యేక విమానంలో ఢిల్లీ కి బయలుదేరి వెళ్లారు.
- Advertisement -