మోపిదేవి మండల పరిధిలోని కె. కొత్తపాలెం ఎస్సీ కాలనీ వద్ద ఆర్సీ కరకట్టపై రోడ్డు ప్రమాదంలో యువకుడు మృతి చెందాడు. మృతి చెందిన వ్య‌క్తి ని చల్లపల్లి పడమర వీధికి చెందిన గొరిపర్తి గౌరీ శంకర్ (32) గా గుర్తించారు. మోపిదేవి ఎస్ఐ సిహెచ్. పద్మ ఘటన స్థలానికి చేరుకుని వివరాలు సేకరించారు. ఆపై మృతుడిని పోస్టుమార్టం నిమిత్తం అవనిగడ్డ ప్రభుత్వ ఆసుపత్రికి తరలించారు. ఎస్ఐ పద్మ తెలిపిన వివరాల మేరకు అవనిగడ్డ వైపు నుంచి ఆర్సీ కరకట్టపై తన ద్విచక్ర వాహనంపై ఇంటికి వెళ్లే నేపద్యంలో కే కొత్తపాలెం ఎస్సీ కాలనీ వద్ద రోడ్డు ప్రక్కనే గల గడ్డి వామును ఢీకొని గౌరీ శంకర్ మృతి చెందిన‌ట్టు తెలుస్తోంది.
