ఎన్టీఆర్ ప్రభ న్యూస్ బ్యూరో : శ్రీకాళహస్తిలోని శ్రీ జ్ఞాన ప్రసూనాంబిక దేవి సమేత శ్రీ కాళహస్తీశ్వర స్వామివార్ల దేవస్థానంలోని ప్రసూనాంబిక దేవి సమేత కాళహస్తీశ్వర స్వామివార్లకు విజయవాడలోని ఇంద్రకీలాద్రిపై ఉన్న దుర్గామల్లేశ్వర స్వామివార్ల దేవస్థానం తరుపున పట్టువస్త్రములు సంప్రదాయబద్ధంగా సమర్పించారు.
మల్లన్నకు అమ్మవారి తరఫున పట్టు వస్త్రాలను సమర్పించేందుకు ఆలయ పాలకమండలి చైర్మన్ కర్నాటి రాంబాబు, ఆలయ కార్యనిర్వహణాధికారి కేఎస్ రామారావు, పాలకమండలి సభ్యులు, అర్చకుల బృందం శ్రీకాళహస్తి దేవస్థానం చేరుకోగా.. శ్రీకాళహస్తి ఆలయ చైర్మన్ కార్యనిర్వహణాధికారి ఆలయ మర్యాదలతో మంగలవాయిద్యముల నడుమ స్వాగతం పలికారు. అనంతరం ఆలయ వీరు శ్రీ అమ్మవారు స్వామివార్లను దర్శనము చేసుకొని పట్టు వస్త్రాలు సమర్పించారు. ఈ కార్యక్రమములో పాలకమండలి సభ్యులు, ఆలయ ఆలయ వైదిక సిబ్బంది, వేదపండితులు, అర్చకులు, దేవస్థాన సిబ్బంది పాల్గొన్నారు.