కడప, (ఆంధ్రప్రభ) : కడప జిల్లాలో ఘోర రోడ్డు ప్రమాదం చోటుచేసుకుంది. శుభకార్యానికి వెళ్లి వస్తున్న ఓ కుటుంబం మృత్యువాత పడింది. జిల్లాలోని పోరుమామిళ్ల-మైదుకూరు ప్రధాన రహదారి ఎద్దగుల సెక్షన్‌ సమీపంలో బైక్‌ను వెనుక నుంచి వస్తున్న టిప్పర్ ఢీకొట్టింది. ఈ ప్ర‌మాదంలో ఒకే కుటుంబానికి చెందిన శ్రీనివాసులురెడ్డి, ఆయన భార్య అరుణ, కుమార్తె పవిత్ర లు అక్కడికక్కడే మృతి చెందారు.
ఈ మేరకు పోలీసులు కేసు నమోదు చేసి దర్యాప్తు చేస్తున్నారు. కాగా ఒకే కుటుంబానికి చెందిన ముగ్గురు మృతి చెందడంతో చిన్నాయపల్లి గ్రామంలో విషా దఛాయలు అలుముకున్నాయి. మృతి చెందిన భార్యాభర్తలకు 11 సంవత్సరాలు వయస్సు కలిగిన కుమారుడు ఉన్నట్లు తెలుస్తోంది. దీంతో కుటుంబాన్ని కోల్పోయి అనాధగా మారాడు.