అమరావతి, ఆంధ్రప్రభ: గుంటూరు జిల్లా వడ్లమూడిలోని విజ్ఞాన్‌ యూనివర్సిటీ 2024-25 విద్యా సంవత్సరానికి సంబంధించి యూజీ, పీజీ కోర్సుల్లో ప్రవేశాల కోసం వీశాట్‌-2024 (విజ్ఞాన్‌ స్కాలస్టిక్‌ టెస్ట్‌)కునోటిఫికేషన్‌ విడుదల చేసింది. దీని ద్వారా గుంటూరు, విజయవాడ, హైదరాబాద్‌, విశాఖపట్నం, ఏలూరు, రాజమహేంద్రవరంలలోని విద్యాసంస్థల్లో ప్రవేశాలు కల్పించనున్నారు.
నోటిఫికేషన్‌ను ఉపకులపతి పి.నాగభూషణ్‌, రిజిస్ట్రార్‌ పీఎంవీ రావు, డీన్‌ అడ్మిషన్స్‌ కేవీ క్రిష్ణకిషోర్‌, డైరెక్టర్‌ గౌరీశంకరరావు విడుదల చేశారు. ప్రవేశాలు కోరువారు ఆయా క్యాంపస్‌ల్లో దరఖాస్తులు పొందవచ్చన్నారు. విద్యార్థులు యూనివర్సిటీ వెబ్‌సైట్‌ ద్వారా ఆన్‌లైన్‌లో కూడా దరఖాస్తు చేసుకోవచ్చన్నారు. వచ్చే ఏడాది ఫిబ్రవరి 25 లోగా దరఖాస్తుల చేసుకోవాలని తెలిపారు.
భారతీయ విద్యార్థులతో పాటు, విదేశాల్లో ఉంటున్న భారత సంతతి విద్యార్థులు కూడా ప్రవేశాలకు అర్హులు. దేశవ్యాప్తంగా పలు రాష్ట్రాల్ల్రో వీశాట్‌ ప్రవేశ పరీక్ష నిర్వహించనున్నట్లు తెలిపారు. విశాట్‌లో చూపిన ప్రతిభ ఆధారంగా సీట్లు కేటాయిస్తారు. అదేవిధంగా ప్రతిభావంతులకు స్కాలర్‌షిప్స్‌ అందిస్తారు. వీశాట్‌ ప్రవేశ పరీక్ష ఫలితాలతో పాటు, ఎంసెట్‌, జేఈఈ మెయిన్స్‌/అడ్వాన్స్‌డ్‌, ఇంటర్‌ మార్కుల ఆధారంగా సీటు కేటాయిస్తారు.
యూజీ కోర్సులు:
- బీటెక్‌, బీఫార్మసీ, బీబీఏ, బీసీఏ, బీఎస్సీ, బీఏ ఎల్‌ఎల్‌బీ, బీబీఏ ఎల్‌ఎల్‌బీ, బీఎస్సీ(ఆనర్స్‌) అగ్రికల్చర్‌
పీజీ కోర్సులు:
- ఎంటెక్‌, స్పెషలైజేషన్లు: ఎంబెడెడ్‌ సిస్టమ్స్‌, వీఎల్‌ఎస్‌ఐ డిజైన్‌, సీఎస్‌ఈ, పవర్‌ ఎలక్ట్రాన్రిక్స్‌ డ్రైవర్స్‌, ఫుడ్‌ ప్రాసెసింగ్‌ టెక్నాలజీ, మెషిన్‌ డిజైన్‌, బయోటెక్నాలజీ, ఫార్మ్‌ మెషినరీ, స్ట్రక్చరల్‌ ఇంజినీరింగ్‌.
ఎంబీఏ స్పెషలైజేషన్లు:
- మార్కెటింగ్‌, ఫైనాన్స్‌, హెచ్‌ఆర్‌, ఆపరేషన్స్‌.
- ఎంసీఏ, ఎమ్మెస్సీ కెమిస్ట్రీ, ఎంఏ ఇంగ్లిష్‌