అంతర్జాతీయ వేదికగా ఆంధ్రప్రదేశ్ సేద్యానికి అరుదైన గుర్తింపు లభించింది. ఈ ఏడాదికి గానూ ప్రతిష్ఠాత్మక ‘గుల్బెంకియన్ అవార్డు’ ఏపీ సమాఖ్య ప్రకృతి వ్యవసాయానికి వరించింది. ఏపీసీఎన్ఎఫ్‌తో పాటుగా ఈజిప్టుకు చెందిన సెకెమ్‌ స్వచ్ఛందసంస్థ, ఇండో అమెరికన్ సైంటిస్ట్ రతన్‍లాల్‌ను ఈ గుల్బెంకియన్ అవార్డు వరించింది.
పోర్చుగల్‌లోని లిస్బన్‌లో జరిగిన అవార్డుల ప్రదానోత్సవంలో రైతు సాధికార సంస్థ ఎగ్జిక్యూటివ్‌ వైస్‌ ఛైర్మన్‌ టి.విజయ్‌కుమార్‌, మహిళా రైతు నాగేంద్రమ్మ నెట్టం ఈ పురస్కారాన్ని అందుకున్నారు. భారత సంతతి అమెరికన్ శాస్త్రవేత్త రతన్‌లాల్‌, ఈజిప్టుకు చెందిన సెకెమ్‌ స్వచ్ఛందసంస్థకూ అవార్డు లభించింది.
ఈ పురస్కారం కింద ఇచ్చే ఒక మిలియన్‌ యూరోల నగదు బహుమతిని ముగ్గురు విజేతలకు సమానంగా పంచనున్నారు. 117 దేశాల నుంచి వచ్చిన 181 నామినేషన్లతో పోటీపడి ఏపీసీఎన్‌ఎఫ్‌ ఈ అవార్డు దక్కించుకుంది. ఈ అవార్డ్ ఏపీకి రావడం పట్ల సీఎం చంద్ర బాబు హర్షం వ్యక్తం చేసారు. అవార్డు గ్రహీతలు అభినందించారు. ఆంధ్రప్రదేశ్ కమ్యూనిటీ మేనేజ్డ్ నేచురల్ ఫార్మింగ్ (APCNF) ప్రతిష్టాత్మకమైన గుల్బెంకియన్ ప్రైజ్ ఫర్ హ్యుమానిటీ 2024ని గెలుచుకోవడం ఆనందంగా ఉందన్నారు చంద్రబాబు.