( ఆంధ్రప్రభ, ఎన్టీఆర్ బ్యూరో)నగరంలోని ఇంద్రకీలాద్రిపై ఉన్న శ్రీ దుర్గా మల్లేశ్వర స్వామి వార్ల దేవస్థానంలో కొలువైయున్న ఆది దంపతులను దర్శించుకుంటున్న భక్తులు పెద్ద ఎత్తున కానుకలను అమ్మవారికి సమర్పిస్తున్నారు. ఈ క్రమంలో బుధవారం ఆలయ ప్రాంగణంలోని మహా మండపం ఆరవ అంతస్తు వద్ద ఆలయ హుండీ లెక్కింపును ఈవో కేఎస్ రామారావు ఆధ్వర్యంలో అధికారులు నిర్వహించారు.
హుండీ లెక్కింపు లో భాగంగా నగదు: రూ. 3,80,77 ,021/- లు అమ్మవారికి భక్తులు కానుకగా సమర్పించారు. వీటితోపాటు కానుకల రూపములో బంగారం 559 గ్రాములు,వెండి 7 కేజీల 020 గ్రాములు అమ్మవారికి భక్తులు సమర్పించుకున్నారు. ఇక విదేశీ కరెన్సీ కి సంబంధించి యుఎస్ఏ 615 డాలర్లు, ఆస్ట్రెలియా 55 డాలర్లు, కువైట్ 7 దినార్లు, క్వతార్ 27 రియాల్స్, యూఏఈ 110 దిర్హమ్స్, మలేషియా 33 రింగేట్లు, సౌదీ 19 రియాల్స్, ఇంగ్లాండ్ 30 పౌండ్లు, యురప్ 10 యూరోలు, కేనేడా 25 డాలర్లు, ఒమాన్ 0.5 రియాళ్, సింగపూర్ 10 డాలర్లు లను భక్తులు సమర్పించుకున్నారు.
ఈ హుండీ లెక్కింపు లో ఆలయ ఈవో కె ఎస్ రామరావు, డీప్యూటీ ఈవో ఎమ్.రత్న రాజు, దేవాదాయ శాఖ అధికారులు, ఏ ఈ ఓ లు, ఆలయ సిబ్బంది, ఎస్పీఎఫ్ I-టౌన్ పోలీసు సిబ్బంది, అమ్మవారి సేవా దారులు హుండీ లెక్కింపు కార్యక్రమంలో పాల్గొన్నారు.