Breaking: అనంత‌పురంలో ఘోరం.. మ‌హిళ‌ల‌మీదికి దూసుకొచ్చిన లారీ, ఇద్ద‌రు మృతి

ఆంధ్రప్రదేశ్ రాష్ట్రం అనంతపురంలో ఘోర రోడ్డుప్రమాదం జరిగింది. బెళుగప్ప మండలం కాల్వపల్లి వద్ద ఇద్దరు మహిళలపై నుంచి లారీ దూసుకెళ్లింది. దీంతో వారు అక్కడికక్కడే చ‌నిపోయారు. అయితే.. ఈ యాక్సిడెంట్ త‌ర్వాత‌ లారీ ఆగ‌కుండానే వెళ్లిపోయింది. దీంతో స్థానికులు ఆ లారీని వెంబడిం బోరంపల్లి-గోళ్ల గ్రామాల మధ్య పట్టుకుని డ్రైవర్‌ని మ‌క్కెలిరుగ త‌న్నారు. ఈ సమాచారం అందుకున్న పోలీసులు ఘటనా స్థలానికి చేరుకున్నారు. మృతులను లక్ష్మీదేవి, సరస్వతిగా గుర్తించారు. ఇద్దరు పేరూరు జలాశయాన్ని చూడడానికి వచ్చారని, ప్రాజెక్టును చూస్తుండగా లారీ వారిపైనుంచి వెళ్లిపోయిందని, దీంతో వారి అవయవాలు ఛిద్రమైపోయాయని చెప్పారు. కేసు నమోదుచేసి దర్యాప్తు చేస్తున్నారు.