1998లో డీఎస్సీ రాసిన పలువురు అభ్యర్థులు అప్పట్లో ఉద్యోగం పొందలేకపోయారు. పలు కారణాల వల్ల అప్పటి ప్రభుత్వం వీరిని ఉద్యోగంలోకి తీసుకోలేదు. దీంతో అప్పటి నుంచి జాబ్లోకి తీసుకోవాలని పోరాటం చేస్తూనే ఉన్నారు. ఉమ్మడి ఏపీలో వీరికి జరిగిన అన్యాయం.. తెలంగాణ, ఆంధ్రప్రదేశ్ రాష్ట్రలు విడిపోయిన తర్వాత ఏనిమిదేండ్లకు న్యాయం జరిగింది. తెలంగాణలో సీఎం కేసీఆర్ 1998 డీఎస్సీ అభ్యర్థులకు జాబ్ ఇస్తన్నట్టు చాలా రోజుల క్రితమే ప్రకటించారు.
కాగా, ఈ మధ్యనే ఏపీ సీఎం జగన్మోహన్రెడ్డి కూడా వారి విషయంలో సానుకూల నిర్ణయం తీసుకున్నారు. దీంతో 1998 డీఎస్సీ అభ్యర్థుల్లో సంతోషం వెల్లివిరిసింది. ఈ క్రమంలో సీఎం క్యాంప్ ఆఫీసులో ముఖ్యమంత్రి వైఎస్‌ జగన్‌ను ఇవ్వాల కలిసిన కొంతమంది అభ్యర్థులు కృతజ్ఞతలు తెలిపారు. 24 ఏళ్లనాటి సమస్యను పరిష్కరించడం ద్వారా తమను, తమ కుటుంబాలను ఆదుకున్నారని జగన్ వద్ద కన్నీరుపెట్టుకున్నారు. సీఎంని సన్మానించారు. ఈ సందర్భంగా ముఖ్యమంత్రిని కలిసిన వారిలో ఎమ్మెల్సీ కల్పలతా రెడ్డి కూడా ఉన్నారు.