- క్లీన్ చేస్తుంటే పేలింది
- అనంత‌పురంలో ఘ‌ట‌న
- హాస్పిట‌ల్‌కు త‌ర‌లింపు
ఆంధ్రప్ర‌భ స్మార్ట్‌, అనంతపురం : ఏపీలోని అనంతపురం జిల్లాలో అనుకోకుండా దారుణ ప్రమాదం చోటుచేసుకుంది. జిల్లాలోని కలెక్టరేట్ భవనంలో తుపాకీ మిస్ ఫైర్ అయ్యింది. తుపాకీ శుభ్రం చేస్తుండగా ప్రమాదవ శాత్తు ఒక్కసారిగా పేలింది. ఈ ప్రమాదంలో ఏఆర్ హెడ్‌కానిస్టేబుల్ సుబ్బరాజు భూజానికి తీవ్రగాయమైనట్లు తెలిసింది.
గమనించిన కలెక్టరేట్ సిబ్బంది వెంటనే ఆత‌డిని దగ్గరలోని ఆసుపత్రికి తరలించారు. ప్రస్తుతం సుబ్బరాజు ఆరోగ్యం నిలకడగా ఉంద‌ని చికిత్స అందిస్తున్నట్లు డాక్ట‌ర్లు తెలిపారు. విజయవంతంగా బుల్లెట్‌ను తీసివేసినట్లు పేర్కొన్నారు. తుపాకీ మిస్ ఫైర్ అయిన సమయంలో చుట్టుపక్కల ఎవరూ లేకపోవడంతో పెను ప్రమాదం తప్పింది. ఈ ఘటనపై కేసు నమోదు చేసుకున్న పోలీసులు దర్యాప్తు చేప‌ట్టారు.