ఏపీకి గోవా మద్యం సప్లయ్​.. గుంటూరులో అమ్ముతున్న వ్యక్తి అరెస్టు

గుంటూరు క్రైo, (ప్రభ న్యూస్​): ఆంధ్రప్రదేశ్​ రాష్ట్రంలోని గుంటూరు జిల్లాలో అక్రమంగా గోవా మద్యం అమ్ముతున్న వ్యక్తిని పోలీసులు పట్టుకున్నారు. సురేష్ అనే వ్యక్తిని అరండల్ పేట పోలీసులు అరెస్ట్ చేశారు. అమరావతి రోడ్ లోని రామా బిల్డింగ్ కాంప్లెక్స్ లో టీ దుకాణం నిర్వహించే మేదరమెట్ల సురేష్ గోవా నుండి అక్రమ మద్యం తెచ్చి అమ్ముతున్నాడు. గుంటూరు ఎస్పీకి అందిన సమాచారం మేరకు అరండల్ పేట ఎస్సై రవీంద్ర తన సిబ్బందితో కలసి గురువారం రాత్రి దాడులు చేశారు. ఈ సందర్భంగా సురేష్ ను అరెస్ట్ చేసి అతని వద్ద ఉన్న గోవా మద్యం బాటిళ్లను స్వాధీనం చేసుకున్నారు.