ఐదు గృహాలు దగ్ధం

క‌ర్ల‌పాలెం: గుంటూరు జిల్లా బాపట్ల నియోజకవర్గం కర్లపాలెం మండలం పేరలి గ్రామం లో ఐదు గృహాలు దగ్ధమ‌య్యాయి. అందిన స‌మాచారం మేర‌కు గృహాల్లో ఉండే వారు రోజువారీ పనులు నిమిత్తం వెళ్లిపోయారు. ఆ ప్ర‌దేశంలో మంటలు రావడానికి ఎటువంటి అవకాశమూ లేద‌ని, విద్యుత్ షార్ట్ సర్క్యూట్ కార‌ణంగానే మంటలు చెలరేగి ఐదు గృహాలు దగ్దమయిన‌ట్టు స్థానికులు తెలిపారు. అగ్ని ప్ర‌మాదాన్ని గ‌మ‌నించిన ఇత‌రులు అగ్నిమాపక శాఖ కు సమాచారం అందించారు. దీంతో ఆ సిబ్బంది వచ్చి మంటలను అదుపు చేశారు. అప్పటికే ఐదు గృహాలు పూర్తిగా దగ్దమయ్యాయి, వాటిలోని బంగారం, గృహోపకరణాలు, దుస్తులు, టీవీ, రిక్షా, ప్రభుత్వ గుర్తింపు కార్డులు, పూర్తిగా కాలి పోయి, కట్టు బట్టలతో తాము మిగిలామ‌ని బాధితులు తెలిపారు.