ఆంధ్రప్రదేశ్ తిరుపతి జిల్లాలోని గూడూరు టౌన్లో ఫైర్ యాక్సిడెంట్ జరిగింది. మార్కెట్ సమీపంలో ఉన్న ఓ ప్రైవేట్ ఆస్పత్రిలో షార్ట్ సర్క్యూట్ వల్ల అగ్నిప్రమాదం సంభవించింది. అప్రమత్తమైన ఆస్పత్రి యాజమాన్యం ఫైర్ సిబ్బందికి సమాచారం అందించారు. ఘటనా స్థలానికి చేరుకుని సిబ్బంది మంటలను అదుపు చేశారు.
ఈ ఘటనలో ఎవరికి ఎటువంటి ప్రమాదం సంభవించలేదు. పేషెంట్లకు ఇబ్బందులు తలెత్తకుండా ఆస్పత్రి యాజమాన్యం తగు జాగ్రత్తలు తీసుకున్నారు. షార్ట్ సర్క్యూట్ వల్ల అగ్ని ప్రమాదం సంభవించడంతో లక్షల్లో ఆస్తినష్టం జరిగిందని ఆస్పత్రి యాజమాన్యం తెలిపారు. పూర్తి వివరాలు తెలియాల్సి ఉంది.