AP: ప్రకృతి విపత్తుల నుంచి రైతుకు ఇబ్బంది ఉండదు.. అంబటి రాంబాబు

ప్రకృతి విపత్తుల నుంచి రైతుకు ఇబ్బంది ఉండదని మంత్రి అంబటి రాంబాబు ఆశాభావం వ్యక్తం చేశారు. ప్రకాశం బ్యారేజ్‌ నుంచి కాలువలకు మంత్రి రాంబాబు నీటిని విడుదల చేశారు. ఈ సందర్భంగా ఆయన మాట్లాడుతూ… వెయ్యి క్యూసెక్కుల నీటిని విడుదల చేశారు. వైయస్‌ జగన్‌ ఆదేశాలతో ముందే నీటిని విడుదల చేశామని మంత్రి తెలిపారు. త్వరగా ఖరీఫ్‌ ప్రారంభం కావడం వల్ల 3 పంటలు పండే అవకాశం ఉందన్నారు. పులిచింతలలో 34 టీఎంసీల నీరు నిల్వ చేసి రైతులకు అందిస్తున్నామని చెప్పారు. పట్టిసీమ నుంచి నీరు తెచ్చే అవసరం లేదన్నారు. వైయస్‌ జగన్‌ ప్రభుత్వం వచ్చిన తరువాత నీటి కొరత అనేది లేదన్నారు.