రోడ్డు ప్రమాదంలో టిడిపి మాజీ ఎమ్మెల్యే కందులకు తీవ్ర గాయాలు

యర్రగొండపాలెం సమీపంలో జరిగిన రోడ్డు ప్రమాదంలో ప్రకాశం జిల్లా మార్కాపురం తెదేపా ఇన్‌ఛార్జ్‌, మాజీ ఎమ్మెల్యే కందుల నారాయణరెడ్డికి తీవ్ర గాయాలయ్యాయి . మార్కాపురం నుంచి హైదరాబాద్‌ వెళ్తుండగా యర్రగొండపాలెం సమీపంలోని గురిజేపల్లి మూలమలుపు వద్ద ఆయన కారు బోల్తా పడింది. తీవ్రగాయాలైన నారాయణరెడ్డిని యర్రగొండపాలెంలోని ఓ ప్రైవేటు ఆస్పత్రికి తరలించారు. అక్కడ ప్రాథమిక చికిత్స అనంతరం మెరుగైన వైద్యం కోసం హైదరాబాద్‌ తరలించారు. ప్రమాదంలో కారు డ్రైవర్‌ స్వల్పంగా గాయపడ్డారు