Breaking : పడవ మునక : ఇద్దరు గల్లంతు

ఓ ప‌డ‌వ నీటిలో మునిగిపోవ‌డంతో ఇద్ద‌రు గ‌ల్లంత‌మైన ఘ‌ట‌న ఏపీలోని తూర్పు గోదావరి జిల్లాలో చోటుచేసుకుంది. జిల్లాలోని సీలేరు నదిలో ఈరోజు పడవ బోల్తా పడింది. ఈ ఘటనలో ఇద్దరు గల్లంతయ్యారు. ఈ ప్రమాదం నుండి మ‌రో ఆరుగురు సురక్షితంగా బయటపడ్డారు. గల్లంతైన వారి కోసం గాలింపు చర్యలు చేపట్టారు. ప్రమాదం జరిగిన సమయంలో ప‌డ‌వ‌లో ఎనిమిది మంది ఉన్నారు. తూర్పు గోదావ‌రి జిల్లా వై.రామ‌వ‌రం మండలం డొంక‌రాయి వద్ద ఈ ప్రమాదం చోటు చేసుకొంది. గల్లంతైన వారు వై.రామవరం మండలం మంగంపాడు గ్రామానికి చెందిన ఒకరు, టెలిక్యాంప్ గ్రామానికి చెందిన మరొకరుగా గుర్తించారు. విషయం తెలిసిన పోలీసులు అక్కడకు చేరుకుని ఈతగాళ్ల సాయంతో గల్లంతైన వారి కోసం గాలింపు చర్యలు చేపట్టారు.