అమరావతి, ఆంధ్రప్రభ:ఈ నెల 12న ప్రభుత్వ, ఎయిడెడ్‌ పాఠశాలల విద్యార్థులకు విద్యా సామాగ్రి పంపిణీ చేస్తామని పాఠశాల విద్యా శాఖ ప్రిన్సిపల్‌ సెక్రటరీ ప్రవీణ్‌ ప్రకాష్‌ శనివారం ఒక ప్రకటనలో తెలిపారు. 1-10 తరగతుల విద్యార్థులకు విద్యా సామాగ్రిలో భాగంగా అన్ని సబ్జెక్టుల టెక్స్ట్‌బుక్‌లతో పాటు టోఫెల్‌ వర్క్‌బుక్‌, ఫ్యూచర్‌ స్కిల్స్‌ సబ్జెక్ట్‌ టెక్స్ట్‌బుక్‌లను అందజేయనున్నట్లు తెలిపారు. 3 జతల యూనిఫాంలు, స్కూల్‌ బ్యాగులు, బెల్ట్‌, ఆక్స్‌ఫర్డ్‌ నిఘంటువు అందిస్తామన్నారు. అదేవిధంగా 1-5 తరగతుల విద్యార్థులకు వర్క్‌బుక్‌లు, 6-10 తరగతుల వారికి నోట్‌బుక్‌లు, షూ(బూట్లు) అందజేయబడతాయని ప్రవీణ్‌ ప్రకాష్‌ స్పష్టం చేశారు.
Advertisement
తాజా వార్తలు
Advertisement