ఆంధ్రప్రదేశ్ లో కరోనా కరోనా కేసులు మళ్లీ పెరుగుతున్నాయి. తాజాగా గడిచిన 24 గంటల్లో కొత్తగా 2,058 కరోనా కేసులు నమోదయ్యాయి. కరోనాతో 23 మంది మరణించారు. ఏపీలో మొత్తం 19,66,175 పాజిటివ్‌ కేసులు నమోదయ్యాయి. కరోనాతో మొత్తం 13,377 మంది మృతి చెందారు. గత 24 గంటల్లో 2,053 మంది రికవరీ చెందారు. ప్రస్తుతం ఏపీలో 21,180 యాక్టివ్‌ కేసులు ఉన్నాయి. మొత్తం 19,31,618 మంది కోవిడ్ నుంచి పూర్తిగా కోలుకున్నారు. కరోనా కారణంగా.. చిత్తూరు జిల్లాలో ఐదుగురు, కృష్ణా జిల్లాలో నలుగురు మృతి చెందగా.. నెల్లూరు, ప్రకాశంలో ముగ్గురు చొప్పున మరణించారు. తూర్పుగోదావరి, గుంటూరు, కర్నూలు జిల్లాల్లో ఇద్దరు చొప్పున మృతిచెందగా.. శ్రీకాకుళం, విశాఖపట్నంలో ఒక్కొక్కరు చొప్పున మరణించారు.
ఇది కూడా చదవండిః తెలంగాణలో డెల్టా ప్లస్ వేరియంట్ కేసులు!