Breaking: రోడ్డు ప్రమాదంలో కానిస్టేబుల్ మృతి.. శ్రీ‌కాకుళం జిల్లాలో ఘ‌ట‌న‌

శ్రీకాకుళం (జి సిగడాం) (ప్రభ న్యూస్): శ్రీ‌కాకుళం జిల్లాలో జ‌రిగిన ఓ ప్ర‌మాదంలో కానిస్టేబుల్ చ‌నిపోయారు. మంగళవారం రాత్రి జి సిగడాం మండలంలోని వాండ్రంకి రైల్వే వంతెన వద్ద ఈ ప్ర‌మాదం జ‌రిగింది. స్పెషల్ ప్రొటెక్షన్ ఫోర్స్ లో కానిస్టేబుల్ గా విధులు నిర్వహిస్తున్న యు. బాబూరావు(47) మృతి చెందారు. బాబూరావుది రాజాం మండలం బొద్దాం గ్రామం. పొందూరు నుంచి బాబూరావు రాజాం ద్విచక్ర వాహనంపై వస్తుండగా గుర్తు తెలియని వాహనం అతనిని ఢీ కొట్టడంతో బాబూరావు తలకు బలమైన గాయం అయ్యింది. దీంతో అతను అక్కడికక్కడే మరణించాడు. జి. సిగడాం పోలీసులు కేసు నమోదు చేసి దర్యాప్తు చేస్తున్నారు.