అనంతపురం, ప్రభ న్యూస్‌ బ్యూరో: ముఖ్యమంత్రి వైయస్‌ జగన్మోహన్‌ రెడ్డి శ్రీసత్యసాయి జిల్లా చెన్నై కొత్తపల్లి పర్యటన అధికారికంగా ఖరారైంది. ఈ మేరకు ఆయన వ్యక్తిగత కార్యదర్శి నాగేశ్వరరెడ్డి పేరుతో పర్యటన ఏర్పాట్లు చేయాలని జిల్లా అధికారులకు సమాచారం పంపించారు. ఆ మేరకు 14వ తేదీ 9 గంటలకు ఇంటి నుంచి గన్నవరం విమానాశ్రయానికి చేరుకుంటారు. 9.30 గంటలకు ప్రత్యేక విమానంలో బయలుదేరి 10.20 నిమిషాలకు పుట్టపర్తి విమానాశ్రయానికి చేరుకుంటారు. 10.30 గంటలకు ప్రత్యేక హెలికాప్టర్లో చెన్నై కొత్తపల్లికి బయలుదేరి వెళ్తారు.
10.50 గంటలకు చెన్నై కొత్తపల్లి వద్ద ఏర్పాటు చేసిన హెలిప్యాడ్‌కు చేరుకుంటారు. అక్కడ 15 నిమిషాలు స్థానిక కార్యకర్తలు నాయకులతో మాట్లాడతారు అనంతరం సభాస్థలికి బయలుదేరి వెళ్తారు. 11 45 నుంచి 12:45 గంటలకు బహిరంగ సభలో మాట్లాడుతారు. రైతులకు బీమాకు సంబంధించి మెగా చెక్కును అందిస్తారు. 12:45 గంటలకు సభాస్థలి నుంచి బయలుదేరి హెలిపాడ్‌ వద్దకు చేరుకుంటారు. అక్కడినుంచి మధ్యాహ్నం ఒంటిగంటకు పుట్టపర్తికి చేరుకొని, 1 20 నిమిషాలకు విమానంలో గన్నవరం కి బయలుదేరి వెళ్తారు. మధ్యాహ్నం 2.50 నిమిషాలకు ఇంటికి చేరుకుంటారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి.