దావోస్ ప‌ర్య‌ట‌న‌కు బ‌య‌ల్దేరిన సీఎం జ‌గ‌న్

ఆంధ్రప్రదేశ్‌ ముఖ్యమంత్రి వైఎస్‌ జగన్ దావోస్ ప‌ర్య‌ట‌న‌కు బ‌య‌ల్దేరారు. దావోస్ లో ఎల్లుండి నుంచి జ‌రిగే వ‌రల్డ్ ఎక‌న‌మిక్ ఫోరం స‌ద‌స్సులో జ‌గ‌న్ పాల్గొన‌నున్నారు. ఈ నేప‌థ్యంలో ఆయ‌న‌ తాడేపల్లి నివాసం నుంచి గన్నవరం విమానాశ్రయానికి చేరుకుని, అక్కడి నుంచి దావోస్ కు బ‌య‌లుదేరారు. ఈ రోజు రాత్రి దావోస్ చేరుకుంటారు. జగన్ తో పాటు ప‌లువురు మంత్రులు, అధికారులు ఉన్నారు. ఆంధ్ర‌ప్ర‌దేశ్ కు పెట్టుబడులను ఆకర్షించేందుకు ఈ ప‌ర్య‌ట‌నలో వారు పాల్గొంటున్నారు. ప‌లు దేశాల‌ పారిశ్రామికవేత్తలు, ఆర్థికవేత్తలతో జగన్ బృందం భేటీ కానుంది.