పెద్దపల్లి ప్రజలను చల్లంగా చూడాలని కలియుగ దైవమైన శ్రీ వేంకటేశ్వర స్వామిని వేడుకున్నట్లు పెద్దపల్లి ఎమ్మెల్యే దాసరి మనోహర్ రెడ్డి తెలియజేశారు. ఇవాళ కుటుంబ సమేతంగా తిరుమల శ్రీ వెంకటేశ్వర స్వామిని దర్శించుకుని మొక్కులు చెల్లించారు. అనంతరం నాగసాయి మండపంలో ఎమ్మెల్యే కుటుంబ సభ్యులకు ఆలయ అర్చకులు స్వామివారి తీర్థప్రసాదాలు అందించి, వేద ఆశీర్వచనం అందజేశారు.
అనంతరం మాట్లాడుతూ… కేసీఆర్ ముఖ్యమంత్రిగా మూడోసారి ప్రమాణ స్వీకారం చేయాలని, బీఆర్ఎస్ దేశవ్యాప్తంగా ప్రభావం చూపాలని వేడుకున్నామన్నారు. నియోజకవర్గ ప్రజలు సుఖ సంతోషాలతో ఉండాలని స్వామివారిని మొక్కుకున్నట్లు తెలియజేశారు.