Breaking: ఇంట్లోకి దూసుకెళ్లిన సిమెంట్ లారీ : ఇద్ద‌రు మృతి

ఓ సిమెంట్ లారీ ఇంట్లోకి దూసుకెళ్ల‌డంతో ఇద్ద‌రు అక్క‌డిక‌క్క‌డే మృతిచెందిన విషాద ఘ‌ట‌న ఆంధ్ర‌ప్ర‌దేశ్ రాష్ట్రంలో చోటుచేసుకుంది. రాష్ట్రంలోని చిత్తూరు జిల్లా గుర్రంకొండ మండలంలో లారీ భీభత్సం సృష్టించింది. కండ్రికల్ లోని ఓ ఇంట్లోకి సిమెంట్ లారీ దూసుకెళ్లింది. ఈ ప్రమాదంలో ఇద్దరు వ్యక్తులు అక్కడికక్కడే మృతి చెందారు. లారీ డ్రైవర్ తోపాటు క్లీనర్ కూడా చనిపోయారు. ఇక లారీ ఢీకొన్న ఇల్లు పూర్తిగా ధ్వంసమైంది. మరోవైపు ఇంట్లోకి దూసుకెళ్లిన లారీని బయటికి తీసేందుకు అధికారులు క్రేన్ ను తీసుకొచ్చారు.