శ్రీవారి సేవ‌లో కేంద్ర మంత్రి పీయూష్ గోయ‌ల్..

తిరుమల శ్రీవారిని కేంద్ర మంత్రి పీయూష్ గోయల్ దంపతులు నేడు ద‌ర్శించుకున్నారు.. ద‌ర్శ‌నానంత‌రం అల‌య వేద పండితులు అశీర్వ‌చ‌నం, స్వామి వారి తీర్థ ప్ర‌సాదాల‌ అంద‌జేశారు.. అనంత‌రం పీయూష్ మీడియాతో మాట్లాడుతూ, కరోనా కారణంగా గత ఏడాది స్వామివారిని దర్శించుకోలేకపోయానని తెలిపారు. క‌రోనా సమ‌యంలో యావత్ ప్రపంచానికి భారత్‌ తన శక్తిని చాటి చెప్పిందన్నారు.. కరోనా మహమ్మారిని సమర్థంగా ఎదుర్కొంటున్నామని స్పష్టం చేశారు. ఇప్పటికే 150 దేశాలకు ఔషధాలు సరఫరా చేశామన్నారు. ప్రస్తుతం 75 దేశాలకు భారత్‌ వ్యాక్సిన్‌ను అందిస్తోందని చెప్పారు.