10న చంద్రబాబు చీరాల పర్యటన రద్దు..

తెలుగుదేశం పార్టీ అధినేత నారా చంద్రబాబు నాయుడు ఈనెల 10వ తేదీన చీరాల పర్యటన రద్దయ్యింది. వర్ష ప్రభావం సూచనల కారణంగా చంద్రబాబు నాయుడు పర్యటనను రద్దు చేస్తున్నట్లు తెలుగుదేశం పార్టీ బాపట్ల పార్లమెంటు అధ్యక్షులు, ఎమ్మెల్యే ఏలూరి సాంబశివరావు, చీరాల నియోజకవర్గ తెలుగుదేశం పార్టీ ఇంచార్జ్ ఎంఎం కొండయ్య తెలిపారు. వైసీపీ ప్రభుత్వం అనుసరిస్తున్న ప్రజా వ్యతిరేక విధానాలు, అరాచక, అసమర్ధ పాలనను ఎండగట్టేందుకు తెలుగుదేశం పార్టీ ఆధ్వర్యంలో తలపెట్టిన ఇదేం కర్మ మన రాష్ట్రానికి కార్యక్రమంలో భాగంగా ఈనెల 10వ తేదీన చీరాలలో పర్యటించేందుకు నిర్ణయించడం జరిగిందన్నారు. శనివారం వాతావరణ మార్పులు, తీవ్ర వర్షం ప్రభావం సూచనల కారణంగా చీరాల పర్యటనను రద్దు చేసినట్లు వివరించారు. మళ్లీ తదుపరి పర్యటన తేదీలను త్వరలో వెల్లడిస్తామని వారు వివరించారు.