ఉన్న‌తాధికారుల నుంచి నేత‌ల వ‌ర‌కు రాక
అభినంద‌న‌లతో టీడీపీ నేత ఉక్కిరిబిక్కిరి
చంద్రబాబుతో సీఎస్, డీజీపీ భేటి
గెలిచిన ఎంపీలు, ఎమ్మెల్యేలతో బాబు మాటా మంతి
సార్వత్రిక ఎన్నికల్లో తిరుగులేని విజయాన్ని అందుకున్న టీడీపీ అధినేత చంద్రబాబు నాయుడుకు అభినందనలు వెల్లువెత్తుతున్నాయి.. ఈరోజు ఉదయం చంద్రబాబు నివాసానికి వెళ్లి మర్యాదపూర్వకంగా కలిశారు ఏపీ సీఎస్ జవహర్ రెడ్డి, డీజీపీ హరీష్‌కుమార్‌ గుప్తా. ఇక చంద్రబాబును కలిసిన వారిలో పలువురు ఉన్నతాధికారులు ఉన్నారు.. మాజీ డీజీపీ ఆర్పీ ఠాగూర్ సైతం కాబోయే ఏపీ సీఎంకు శుభాకాంక్ష‌లు తెలిపారు..
ఎంపీలు, ఎమ్మెల్యేలతో చంద్రబాబు మాటా మంతి..
మరోవైపు చంద్రబాబు నివాసానికి ఉదయం నుంచి పెద్ద ఎత్తున తరలివచ్చారు గెలిచిన ఎంపీలు, ఎమ్మెల్యేలు.. అలాగే ధూళిపాళ్ల నరేంద్ర, పెమ్మసాని చంద్రశేఖర్, మాజీ ఎంపీ గల్లా జయదేవ్, జూలకంటి బ్రహ్మనంద రెడ్డి, అయితాబత్తుల ఆనందరావు, బోడె ప్రసాద్, అనగాని సత్యప్రసాద్ ఇలా పలువురు నేతలు చంద్రబాబును కలిశారు.. వారితో పాటుగా కేశినేని చిన్ని, బోండా ఉమా, డోలా బాలవీరాంజనేయ స్వామి తదితరులు కూడా చంద్రబాబుతో భేటి అయ్యారు… నేటి ఢిల్లీ పర్యటనకు ముందు.. నందమూరి బాలకృష్ణ, రామానాయుడు, కొల్లురవీంద్ర, నక్కా ఆనంద్ బాబు, గద్దె రామ్మోహన్, పార్థసారథి తదితర నేతలు కూడా చంద్రబాబును కలసి అభినందనలు తెలిపారు.