Breaking: ఎమ్మెల్సీ అశోక్‌బాబు పరామర్శించనున్న చంద్రబాబు

నకిలీ సర్టిఫికెట్ కేసులో అరెస్ట్ అయ్యి.. గత అర్ధ రాత్రి బెయిలుపై విడుదలైన టీడీపీ ఎమ్మెల్సీ అశోక్‌బాబును పార్టీ అధినేత చంద్రబాబు పరామర్శించనున్నారు. ఈరోజు మధ్యాహ్నం ఒంటి గంటకు ఎమ్మెల్సీ అశోక్ బాబు ఇంటికి చంద్రబాబు వెళ్లనున్నారు. ఫేక్ సర్టిఫికెట్ ఆరోపణలపై గురువారం(ఫిబ్రవరి 10) సిఐడి అరెస్టు చేసిన అశోక్ బాబుకు విజయవాడ కోర్టు గతరాత్రి బెయిల్ మంజూరు చేసింది. ఈ క్రమంలో పార్టీ రాష్ట్ర కార్యాలయ కార్యదర్శి, ఎమ్మెల్సీ అయిన అశోక్ బాబు ఇంటికి వెళ్లి కుటుంబ సభ్యులతో మాట్లాడాలని బాబు నిర్ణయించారు.