సంజీవని ఆరోగ్య రథం వాహనాన్ని ప్రారంభించిన చంద్రబాబు

వరికుంటపాడు ఏప్రిల్ 20 ప్రభా న్యూస్:- కాకర్ల చారిటబుల్ ట్రస్ట్ ఆధ్వర్యంలో ట్రస్ట్ చైర్మన్ కాకర్ల సురేష్ ప్రజల ఆరోగ్యాన్ని దృష్టిలో ఉంచుకొని ప్రజల కోసం ఏర్పాటు చేసిన‌ సంజీవిని వాహనాన్ని మాజీ ముఖ్యమంత్రి, టిడిపి జాతీయ అధ్యక్షుడు నారా చంద్రబాబు నాయుడు రిబ్బన్ కట్ చేసి ప్రారంభించారు ఈ సందర్భంగా చంద్ర‌బాబు మాట్లాడుతూ, ఉదయగిరి నియోజకవర్గంలో కాకర్ల చారిటబుల్ ట్రస్ట్ ఆధ్వర్యంలో సేవా కార్య‌క్ర‌మాల‌ను నిర్వ‌హిస్తున్న ట్రస్ట్ చైర్మన్ కాకర్ల సురేష్ ను అభినందించారు . యువ నాయకుడు నారా లోకేష్ స్ఫూర్తితో ఉదయగిరి నియోజకవర్గంలో ప్రజలకు ఉచితంగా వైద్య సేవలు అందించుటకు సంజీవిని ఆరోగ్య రధం ఎంతగానో ఉపయోగపడుతుందని ప్రజలందరూ ఆ సంజీవిని ఆరోగ్య రధంలో ఉపయోగించుకోవాలని సూచించారు. అలాగే నియోజకవర్గంలో ఉచితంగా అందించే వైద్య సేవలను వివిధ రకాల వైద్య పరీక్షల గురించి కాకర్ల సురేష్ ను మాజీ ముఖ్యమంత్రి నారా చంద్రబాబు నాయుడు అడిగి తెలుసుకున్నారు. ఉదయగిరి నియోజకవర్గంలో పార్టీ అభివృద్ధి కోసం ప్రతి ఒక్కరూ కష్టపడి పని చేయాలని, రానున్న ఎన్నికల్లో తెలుగుదేశం పార్టీ అధికారంలోకి రావాలని, ఉదయగిరి కోటపై టిడిపి జెండా ఎగరవేయాలని సురేష్ కు సూచించారు