సీఎం జగన్‌పై రాయి దాడి కేసులో ప్రధాన నిందితుడుగా ఉన్న సతీష్‌ను మూడు రోజుల పాటు పోలీస్‌ కస్టడీకి అప్పగిస్తూ విజయవాడ కోర్టు బుధవారం ఉత్తర్వులు జారీ చేసింది. దీంతో ఈనెల 27వ వరకు సతీష్‌ పోలీసుల కస్టడీలో ఉండనున్నారు. ఈ సందర్భంగా పోలీసులకు న్యాయస్థానం కీలక ఆదేశాలు జారీ చేసింది.
సీఎం జగన్‌పై దాడి కేసులో ఏ-1గా ఉన్న సతీష్‌ను అడ్వొకేట్‌ సమక్షంలోనే విచారించాలని.. నిందితుడిపై థర్డ్‌ డిగ్రీ ప్రయోగించొద్దని ఆదేశించింది. నిందితుడిని విచారించిన అంశాలను కోర్టు ముందు ఉంచాలని తెలిపింది. ఇక పోలీసులు గురువారం ఉదయం 10గంటల నుంచి కస్టడీకి తీసుకోనున్నారు.
- Advertisement -